TRANSVASES....

    As actividades de transvase (pasar materiais dun recipiente a outro) permiten que os cativos experimenten cos seus sentidos e melloren a coordinación e o control dos seus movementos. A psicomotricidade, pola súa banda, fomenta o desenvolvemento motor, emocional e cognitivo, axudándoos a descubrir o seu propio corpo e a entender a súa relación co entorno.

    Integrar actividades de transvases nun programa de psicomotricidade permite aproveitar esta curiosidade innata, apoiando o desenvolvemento da motricidade fina e grosa, promovendo a autonomía e facilitando o control muscular necesario para outras actividades da súa vida diaria.

 

BOLOS DE CORES...

 Derrubando os bolos de cores para  adquirir  habilidades motrices, cognitivas e sociais.

Desenvolvemento Motor:Fomentar o desenvolvemento da motricidade grosa ao  intentar lanzar unha pelota para derrubar os bolos.

Mellorar a coordinación ollo-man, animando movementos de precisión ao apuntar cara aos bolos.

Desenvolvemento Cognitivo:Favorecer a percepción visual e o recoñecemento de cores, identificando e clasificando os bolos por cor.

Introducir conceptos de número e cantidade contando os bolos derrubados.

Desenvolvemento Socio-emocional:Fomentar a interacción e o traballo en equipo, compartindo o xogo.

Promover a autoestima e a confianza ao ver os logros acadados ao derrubar os bolos.

 

 

 

FROITOS VERMELLOS...

 Aproveitar o interese  dos nenos por explorar o mundo que os rodea para introducir hábitos alimentarios saudables, estimular o desenvolvemento sensorial e fortalecer as habilidades cognitivas e sociais a través de experiencias prácticas e lúdicas.

    Un recurso natural e nutritivo  que  promove unha aprendizaxe multisensorial e unha experiencia educativa integral. Con esta proposta pedagóxica, búscase que os nenos non só aprendan conceptos fundamentais e desenvolvan habilidades cognitivas e sociais, senón que tamén adquiran hábitos saudables desde unha idade temperá.