ALIMENTACIÓN SAUDABLE....

 Unha charla sobre alimentación saudable na infancia. Impartida pola pediatra Eva García ,do centro de saúde de A Estrada.

 Alimentarse ademais dunha necesidade, é un pracer que precisa adaptarse aos nosos gustos e características, como o nivel e tipo de actividade que desenvolvemos, a nosa idade, peso e talla, os nosos horarios impostos polo ritmo de vida que levamos, etc.

 

1- Come variado e adapta os alimentos aos teus gustos e á actividade que realices. 

2-Ten sempre en conta o tamaño das racións, xa que é outra das claves da alimentación. 

3-Reduce o consumo de alimentos ricos en graxas saturadas, sal e azucres engadidos. 

4- Realiza unha repartición adecuada dos alimentos ao longo do día, evitando, por exemplo, xaxúns prolongados ou ceas moi abundantes.

5- A mellor bebida para quitar a sede, é a auga.

 

As decisións que tomamos á hora de alimentarnos baséanse nos nosos coñecementos, as nosas emocións e as nosas habilidades e todo iso, está moi influído pola contorna na que vivimos. Existen unha enorme variedade de patróns de alimentación ao longo do mundo.