O cadrado na educación infantil é clave para o desenvolvemento cognitivo, sensorial e motor. Axuda aos nenos a recoñecer formas, clasificar obxectos e adquirir nocións matemáticas básicas. Tamén estimula a percepción táctil e visual, mellora a motricidade fina e grosa, e fomenta a creatividade en actividades artísticas. O seu uso a través do xogo e da exploración favorece unha aprendizaxe integral e significativa.
“Bonecos de Neve” está dirixida pola educadora Fátima co propósito de estimular o seu desenvolvemento sensorial, motor e cognitivo.
O boneco de neve é atractivo para os máis pequenos porque representa unha figura sinxela e familiar da tempada invernal. Fomentar o desenvolvemento da motricidade fina (manipulación de materiais), a expresión emocional (recoñecemento das partes do corpo e xestos do boneco) e a interacción social mediante xogos en grupo.Asemade de introducir conceptos básicos como frío/calor, as cores branca e azul, texturas suaves e rugosas, e fomentar o desenvolvemento da linguaxe.
Coas bolsas de moedas, utilizadas en festivais e concertos, que trouxo Alejandro Diaz o noso asesor medioambiental do proxecto Voz Natura. Con este material, que doutro xeito podería ser desbotado, convertémolo nun recurso para o desenvolvemento sensorial, a coordinación motriz e a aprendizaxe temperá a través do xogo e a exploración, promovendo tamén a conciencia ecolóxica dende a infancia.
Obxectivos:
Estimular o desenvolvemento sensorial a través da exploración de texturas e cores.
Favorecer a coordinación motriz fina mediante a manipulación das moedas.
Introducir nocións básicas de reconto e clasificación.
Promover a reutilización de materiais como estratexia de conciencia ambiental.
En decembro comezou na escola infantil Elfos da Estrada o proxecto Son de Elfos, unha iniciativa pioneira para achegar a música a nenos de 0 a 3 anos.Impartido por Daniel Martínez, músico zaragozano con experiencia en educación musical infantil. Daniel utiliza a percusión e o canto para estimular o desenvolvemento auditivo e cognitivo dos bebés, destacando a súa rápida receptividade.
