Hoxe tócanos decir adeus,a Fátima a nosa alumna en prácticas, pero non sen antes agradecerche todo o teu esforzo, dedicación e entusiasmo durante o teu tempo connosco. Foi un pracer contar contigo no equipo.
Estamos seguros de que este é só o comezo dunha gran carreira para ti, e non temos dúbida de que conseguirás todo o que te propoñas. Desexámosche moito éxito nesta nova etapa e agardamos que esta experiencia fose valiosa para ti.
Con agarimo.
Pintando con xeos de cores
Celebrar o Día de Rosalía é unha oportunidade para achegar á cultura galega e fomentar o amor pola poesía e a música.Elaborar o Caldo de Gloria basado nun poema de Rosalía de Castro no que describe un caldo humilde, feito con ingredientes sinxelos pero cheo de dignidade e esperanza. É unha oportunidade para transmitir valores como a resiliencia, a gratitude polos recursos dispoñibles e a importancia da cultura gastronómica galega.Experimentar cos sentidos (olfato, tacto, gusto) e descubrir a tradición do caldo galego.
O desenvolvemento da psicomotricidade fina é fundamental para adquirir habilidades motoras que favorecerán a súa autonomía e preparación para futuras aprendizaxes, como a escritura e a manipulación de obxectos cotiáns.Permite mellorar a coordinación ollo-man, a precisión e a destreza manual.
As actividades como inserir pezas en buratos, enroscar e desenroscar tapas ou elementos, encaixar figuras e manipular pequenos obxectos, contribúen a fortalecer os músculos das mans e dos dedos, mellorando o control e a coordinación dos movementos. Estas accións non só desenvolven a motricidade fina, senón que tamén estimulan a concentración, a resolución de problemas e a exploración sensorial.
