PASCUA....

     A Pascua coincide coa chegada da primavera, unha época de cambio na natureza: nacen flores, hai máis luz e moitos animais teñen crías. Por iso, relaciónase coa idea de renovación e novo comezo.

    Os ovos de Pascua adquiren un gran valor pedagóxico, xa que permiten traballar a exploración de cores, formas e texturas mediante actividades manipulativas (pintura, decoración, clasificación…). Ademais, o ovo como símbolo de vida e renovación conéctase de forma natural coa primavera, facilitando a comprensión dos cambios no contorno.

    A “caza de ovos” constitúen unha actividade altamente motivadora que fomenta a curiosidade, a atención e o movemento. A través destas dinámicas, os nenos e nenas desenvolven habilidades motoras básicas (desprazamentos, coordinación), ao tempo que participan en situacións de xogo compartido que favorecen a socialización e o respecto.

HORTO....

     A creación dun horto escolar  responde á necesidade de achegar aos nenos e nenas experiencias sensoriais directas co medio natural. Nesta idade, a aprendizaxe baséase fundamentalmente na experimentación, a observación e o contacto co entorno.

    O horto constitúe un recurso educativo, xa que permite traballar hábitos saudables, o respecto pola natureza e a curiosidade polo mundo que os rodea. Ademais, favorece o desenvolvemento integral do alumnado a través de actividades manipulativas, ao tempo que se introducen conceptos básicos relacionados coa alimentación, o coidado das plantas e os ciclos naturais.

Así mesmo, no horto trabállase co cultivo de especies de tempada e emprégase compost propio elaborado no centro, fomentando a reciclaxe de residuos orgánicos e a economía circular, reforzando valores de respecto e coidado do medio ambiente.

    Este proxecto enmárcase, ademais, na participación do centro no programa Voz Natura, iniciativa que promove a educación ambiental e a sensibilización ecolóxica desde idades temperás. A través desta participación, refórzase o compromiso do centro coa sustentabilidade, o coidado do medio ambiente e a adquisición de hábitos responsables, integrando o horto escolar como un recurso clave dentro das accións educativas desenvolvidas.

A PRIMAVERA...

     A primavera constitúe unha estación especialmente rica en estímulos naturais, caracterizada por cambios significativos na contorna: o aumento da temperatura, a maior presenza de luz solar, a floración das plantas e a aparición de novos seres vivos como insectos e aves. 

     Ofrece múltiples oportunidades para o desenvolvemento sensorial (cores, cheiros, texturas, sons), permitindo estimular a curiosidade natural e o desexo de descubrimento. A manipulación de elementos naturais como flores, follas ou herba contribúe ao desenvolvemento da percepción, da coordinación e da motricidade.