Para celebrar o fin de curso tivemos a oportunidade de facer unha excursión á illa de Sálvora, situada na ría de Arousa e pertencente ao Parque Nacional das Illas Atlánticas de Galicia.
A viaxe comezou cun percorrido en barco ata a illa. Durante o traxecto puidemos contemplar o mar,a paisaxe da ría e experimentar a velocidade surcando a ría. Ao chegar a Sálvora, sorprendeunos a súa tranquilidade e a súa paisaxe practicamente natural e as súas praias.
Durante a visita fixemos unha ruta pola illa e coñecemos parte da súa historia. Un dos lugares que máis nos chamou a atención foi a antiga aldea, que recorda a época na que a illa estaba habitada. Ademais, aprendemos algunhas historias e lendas relacionadas con Sálvora.
Feliz verán a toda/os.
