O LIBRO MÁXICO...

 "Un libro para os Elfos baixo o ceo da escola,sete para os pequechos no palacio de pedra.Nove para ler na casa.Un para a mestra,sobre a cadeira da clase onde se estenden as sombras.Un libro para gobernalos a todos.Un libro para atopalos,un libro para atraelos a todos e atalos as lecturas na escola onde se estende a imaxinación."

A SEÑORA DOS LIBROS a historia dun poderoso libro que debe ser lido polos elfos, para estimular o pensamento.

MARCAPÁXINAS...

 Para conmemorar o día do libro realizamos uns marcapáxinas,para poder sinalar a páxina do libro onde se interrompe a lectura.

A BIBLIOTECA...

    Co gallo do día do libro,visitamos a biblioteca municipal da Estrada.Realizamos un conta conto,recollemos o carné de usuario da rede de bibliotecas públicas de Galicia de man de Arón,o bibliotecario e trouxemos uns libros para poder ler na escola.

    Na biblioteca o tempo detense e convídanos a ler.Proporciónanos a lectura que produce pracer, evoca sentimentos,provoca sensacións e estimula a imaxinación Os seus estantes están repletos de reflexións, ideas, pensamentos e creacións artísticas que están esperando por nos.
Un lugar para despertar as ganas de ler.