Celebramos o fin dunha etapa, pero tamén o comezo doutra chea de novas oportunidades:A graduación das pequenas e pequenos Elfos. Foi un ano cheo de aventuras, descubrimentos e aprendizaxes. Cada un destes nenos medrou en coñecemento, habilidades e confianza.
Parabéns, pequenos graduados!
O día da festa de fin de curso, un grupo de pais e nais da escola Infantil Elfos sorprendeu a todos cunha representación da obra: "A toupiña que quería saber quen lle fixera aquilo na cabeza". A iniciativa, que xurde como unha maneira de involucrar máis ás familias nas actividades do centro.
"A toupiña que quería saber quen lle fixera aquilo na cabeza"... Pode pasarlle a calquera, pero un día saíu do tobo e alguén lle fixo aquilo na cabeza...
.jpg)
A festa de fin de curso, celebrada na praia fluvial, foi unha tarde chea de diversión e emoción.
Os xogos de auga,a merenda, a representación teatral realizada polos pais da obra "A toupiña que quería saber quen lle fixera aquilo na cabeza", chea de humor e agarimo, foi aplaudida e deixou a todos cun sorriso na cara,o taller de pinta caras e para rematar un gaiteiro ofreceu unha actuación que encheu o ambiente de música tradicional, facendo que todos se uniran nun animado baile.
A festa de fin de curso na praia fluvial foi unha celebración perfecta para rematar o curso, combinando xogos, boa comida, teatro e música para crear recordos imborrábeis.
Parabéns para todas e todos e feliz verán.
