Queridas familias:
Comezamos un novo curso cheo de ilusión, xogos, aprendizaxes e descubrimentos. Para moitos nenos e nenas será a súa primeira experiencia no cole; para outros, será o reencontro cos seus compañeiros e mestras. En ambos casos, os primeiros días adoitan estar cheos de emocións: alegría, curiosidade… ¡e ás veces tamén nervios!
A adaptación é un proceso natural que cada neno e nena vive ao seu propio ritmo. Para acompañalos, deixámosvos aquí algúns consellos prácticos que poden axudar nestes primeiros días:
Consellos para facilitar a adaptación
-
Amosade confianza e seguridade
Os pequenos perciben as nosas emocións. Se lles transmitimos calma e entusiasmo, sentiranse máis tranquilos. -
Despedidas curtas e claras
Evitade alongar demasiado o momento da separación. Un biquiño, unha frase cariñosa e firme, e a xogar. -
Respectade os tempos
Algúns nenos precisan máis días ca outros para sentirse cómodos. A paciencia é fundamental. -
Mantede rutinas na casa
Durmir ben, horarios estables e momentos de xogo en familia axudan a dar seguridade. -
Escoitade e acompañade as súas emocións
Pode que expresen tristura ou cansazo. Validar os seus sentimentos e animarlles fará que se sintan comprendidos. -
Confiade no equipo educativo
Estamos aquí para acompañar tanto aos nenos como ás familias neste proceso.
Cada inicio de curso é unha oportunidade marabillosa para crecer xuntos.
Grazas pola vosa confianza e por camiñar da man con nós nesta nova aventura.
¡Feliz comezo de curso!
No hay comentarios:
Publicar un comentario