SAMAIN...

    O Samaín é unha festa tradicional galega que marca a chegada do outono e o tempo das cabazas, das luces e dos contos misteriosos. A súa celebración permite introducir as tradicións galegas de maneira adaptada e lúdica, ofrecendo aos máis pequenos experiencias sensoriais, emocionais e sociais.

    A través de xogos de luces, cores, texturas e sons, os nenos e nenas poden descubrir o Samaín sen medo, explorando e coñecendo o mundo que os rodea.

    A experiencia cos botes sensoriais do Samaín, elaborados con materiais seguros e atractivos (auga, purpurina, confeti, cabaciñas de plástico, follas secas, cintas, etc.). Estes botes contribúen ao desenvolvemento sensorial e emocional, á atención, á curiosidade e á autorregulación.

    A experimentación directa, a observación, o xogo libre e a rutina compartida, axuda a descubrir a maxia do Samaín dun xeito tranquilo e divertido. 

CASTAÑAS E TARROS SENSORIAIS...

  A través das castañas, noces, follas, piñas e outros elementos naturais, estímulase a curiosidade, a experimentación sensorial e a aprendizaxe significativa.A importancia de ofrecer experiencias vivenciais e manipulativas que permitan descubrir o outono a través dos sentidos, reforzando o vínculo entre o coñecemento do contorno, a linguaxe, a arte e a educación emocional.Ademais, promóvense valores como o respecto pola natureza, a cooperación e o gozo das tradicións.

     O uso de botes sensoriais, utilizando materiais propios do outono (auga, follas secas, glándulas, piñas pequenas, noces, purpurina, etc.), permite traballar o desenvolvemento sensorial, a atención, a calma e a observación, ofrecendo un espazo de exploración libre e relaxación, xa que permiten experimentar con texturas, movementos, cores e sons, favorecendo a autorregulación emocional, a curiosidade científica e a creatividade.

OS SENTIDOS...

     O desenvolvemento sensorial constitúe a base da aprendizaxe e do coñecemento do contorno. A través dos sentidos (vista, oído, olfacto, gusto e tacto), o neno ou a nena percibe, explora, experimenta e constrúe a súa comprensión do mundo.
    Unha estimulación axeitada dos sentidos favorece o desenvolvemento cognitivo, motor, emocional e social. Ademais, as experiencias sensoriais temperás axudan a establecer conexións neuronais fundamentais para aprendizaxes posteriores (linguaxe, pensamento lóxico, coordinación, etc.).
Por este motivo, a educación sensorial na primeira infancia non só busca a percepción, senón que promove a curiosidade, a autonomía e a descuberta activa.