Os elementos mariños, como as caracolas, as cunchas, as nasas, as redes, as pedras, a area ou a madeira que o mar deposita na costa, constitúen un recurso educativo de gran valor,descubrindo elementos propios da cultura mariñeira. A súa riqueza sensorial, a súa variedade de formas, tamaños, cores, pesos e texturas convértenos en materiais idóneos para favorecer a exploración libre e o descubrimento do mundo a través dos sentidos.
A manipulación destes elementos permite desenvolver a curiosidade natural, a capacidade de observación e a experimentación, ofrecendo múltiples oportunidades para descubrir, comparar, clasificar, tocar, escoitar e sentir. Ao mesmo tempo, contribúe ao desenvolvemento da motricidade fina e da coordinación óculo-manual mediante accións como coller, transportar, introducir, sacar, apilar ou agrupar diferentes materiais.
No hay comentarios:
Publicar un comentario