ACTIVIDADES CORENTENA 8.....

Actividades para introducir a Pascua aula 0-2

Para esta actividade empregaremos un rolo de papel, pintura de dedos branca e material que teñamos pola casa para decorar.

Faremos a nosa galiña de Pascua e mentres eles pintan o rolo de papel iremos falando sobre que as galiñas poñen ovos e que para a semana celébrase a Pascua. 

Unha vez teñamos lista a galiña escondemos pola casa os ovos e imos axudar a galiña a atopar os seus ovos perdidos.

Para animar os cativos podemos poñer a canción de "A galiña turuleca“ 

Os nenos/as mais pequenos e que non se desprazan por si mesmos poderán pintar o rolo coa axuda do adulto e cando estea rematada a empregaremos para traballar con eles a permanencia do obxecto. Escondemos a galiña debaixo dunha tea ou nunha caixa e deixamos que eles a atopen.

ACTIVIDADES CORENTENA 7...

Hoxe facemos plastilina caseira...

Lembrade que todas as cousas que fagades na casa podedes envialas ao correo electrónico da escola e logo as subiremos ao blog.

ACTIVIDADES CORENTENA 6....

"Un becho estraño"  un conto para ver e escoitar.

ACTIVIDADES CORENTENA 5...

Actividades 0-2 anos:

Comezamos a semana con un pouco de cor e música.
Estas dúas actividades pódena realizar todos os nenos/as da aula
Imos empregar algodón, pinzas da roupa, pinturas de dedos, unha superficie para pintar (cartón ou papel) e varios recipientes. En cada recipiente botamos a pintura  de diferentes cores (roxa, amarela e azul) e introducimos o algodón coa pinza da roupa.
Deixamos que os nenos a collan de unha en unha e pinten a superficie.
A medida que os van collendo nomeamos a cor e por iso especificamos as cores da pintura con anterioridade. 

Para realizar a actividade empregaremos a audición da Primavera de Antonio Vivaldi. 

Con esta actividade principalmente fomentamos a creatividade,a atención, o desenvolvemento da motricidade, a discriminación e memorización das diferentes cores e o gusto polas audicións da música clásica. 

ACTIVIDADES CORENTENA 4...

Coa actividade de hoxe vamos a bailar un pouquiño. Vamos escoitar a música de "Portsmouth" e a mover as distintas partes do corpo ao ritmo da música.

ACTIVIDADES CORENTENA 3...

Actividade 0-1 ano
 

A cesta da araña:
Para esta actividade empregamos unha cesta, la ou trapos e obxectos cotiás varios. Collemos a cesta da roupa ou caixa e pasamos a la ou os trapos por varios lados ata conseguir que se crucen entre si. Introducimos obxectos variados para que o neno/a manipule, preferiblemente de madeira, metal e obxectos da natureza.
Nesta actividade os nenos desenvolverán a súa motricidade, atención e control postural.

Actividade 1-2 anos

Transvases con legumes :

Esta actividade ten como obxectivo estimular nos nenos a súa concentración, atención e coordinación motriz.
En varios recipientes repartimos fabas, lentellas, arroz ou outro tipo de legumes que atopemos pola casa. Empregaremos tamén una botella de agua baleira e algún recipiente baleiro. E por último una culler sopeira
Comezaremos a actividade facendo trasfegases con culler, colocaremos arroz ou lentellas e o recipiente baleiro noutro sitio e ca axuda da culler, eles iran transportando dun recipiente ao outro as legumes.
Unha vez rematada o anterior, faremos o mesmo pero esta vez será a unha botella baleira e coa man, para exercitar a pinza e a motricidade fina. Para esta segunda parte da actividade é preferible empregar as fabas ou as legumes máis grandes.

ACTIVIDADES CORENTENA 2...

Actividades 2-3 anos:

Dado que o comezo da primavera nos pillou en corentena, hoxe propóñovos realizar unhas manualidades sinxelas con material de refugallo que teñamos pola casa.  Vamos empregar rolos de papel hixiénico para facer flores e bolboretas.

Para facer as bolboretas pintamos o rolo de papel con pintura se dedos, cera ou rotuladores. Despois nun folio ou cartolina vamos recortar a forma das ás que logo pintaremos e decoraremos como máis nos guste. Por ultimo pegamos o rolo na cartolina e colocámoslle unhas antenas. Xa teríamos a nosa bolboreta!!

Para facer as flores pintamos outro tubo de cartón que despois recortaremos en anacos máis pequenos que serán os pétalos. Pegamos todos os pétalos e poñemos unha bola pequena de papel no centro. Para rematar poñémoslle unha palla e xa estaría.